• Иргэн
  • Бизнес
    • Тусламж
    Тооцоолох
    Түгээмэл асуулт
    Мэдээ мэдээлэл
    ТӨЛӨӨЛӨН УДИРДАХ ЗӨВЛӨЛИЙН ГИШҮҮНИЙ СОНГОН ШАЛГАРУУЛАЛТЫН ЗАР
    Ерөнхий мэдээ мэдээлэл • 2022/06/08
    ТӨЛӨӨЛӨН УДИРДАХ ЗӨВЛӨЛИЙН ГИШҮҮНИЙ СОНГОН ШАЛГАРУУЛАЛТЫН ЗАР

    Компанийн тухай хуулийн 62 дугаар зүйлийн 62.1.7, 75 дугаар зүйлийн 75.4, 79 дүгээр зүйлийн 79.1, 81 дүгээр зүйлийн 81.2, 81.5.2, 81.5.3 дахь заалтуудыг үндэслэн “Инвескор ББСБ” ХК-ийн Төлөөлөн Удирдах Зөвлөлийн гишүүний сонгон шалгаруулалтыг зарлаж байна.
    НИЙТ ГИШҮҮДЭД ТАВИГДАХ ШААРДЛАГА:

    1. Санхүү, нягтлан бодох бүртгэл, хууль, эрх зүй, программ хангамжийн мэргэжилтэй эсхүл хослон эзэмшсэн, 5 (тав)-аас дээш жил ажилласан ажлын дадлага, туршлагатай, магистрын зэрэг болон түүнээс дээш боловсролын зэрэгтэй;

    2. Компанитай ижил төрлийн үйл ажиллагаа явуулдаг, өрсөлдөгч аж ахуйн нэгжид давхар албан тушаал хашдаггүй;

    3. Компанийн засаглалын сургалтад хамрагдаж гэрчилгээ авсан;

    ХАРААТ БУС ГИШҮҮНД ТАВИГДАХ НЭМЭЛТ ШААРДЛАГА:

    1. Өөрөө, эсхүл нэгдмэл сонирхолтой этгээдтэй хамтран компанийн энгийн хувьцааны таваас дээш хувийг эзэмшдэггүй;

    2. Өөрөө, эсхүл нэгдмэл сонирхолтой этгээд нь компанийн болон компани оролцогч нь болж байгаа компанийн нэгдлийн бусад оролцогчид ажил, албан тушаал эрхэлдэггүй, эсхүл сүүлийн 3 жилийн хугацаанд ажил, албан тушаал эрхэлж байгаагүй;

    3. Төрийн үйлчилгээнээс бусад төрийн алба хашдаггүй;

    4. Компанитай бизнесийн аливаа холбоогүй.

    СОНГОН ШАЛГАРУУЛАЛТАД ОРОЛЦОХЫГ ХЯЗГААРЛАХ НӨХЦӨЛ:

    1. Өмнө нь мэргэжлийн болон ёс зүйн ноцтой зөрчлийн улмаас хуулийн хариуцлага хүлээж байсан бол;

    2. Тодорхой албан тушаал эрхлэх, эсхүл үйл ажиллагаа явуулах эрхийг нь шүүхийн шийдвэрээр хассан, Эрүүгийн хуульд заасан гэмт хэрэг үйлдэж шүүхээр ял, шийтгэл хүлээж байсан бол.

    БҮРДҮҮЛЭХ МАТЕРИАЛ:

    1. Сонгон шалгаруулалтад оролцох өргөдөл;

    2. Эрхэлж буй ажил, мэргэжил, боловсрол, бусад ур чадваруудын талаарх мэдээлэл бүхий дэлгэрэнгүй анкет; /Анкетад 4х6 хэмжээтэй зураг наасан байх/

    3. Боловсролын дипломын хуулбар;

    4. Иргэний үнэмлэхийн хуулбар;

    5. Компанийн засаглалын сургалтад хамрагдсан гэрчилгээний хуулбар.

    СОНГОН ШАЛГАРУУЛАЛТЫН МАТЕРИАЛЫГ ХҮЛЭЭН АВАХ ХАЯГ:

    1. Хүсэлтийг 2022 оны 06 дугаар сарын 08-ны 09:30 цагаас эхлэн 2022 оны 06 дугаар сарын 17-ны өдрийн 18:00 цаг хүртэл “Инвескор ББСБ” ХК-ийн Төв оффист эсхүл secretary@invescore.mn хаягаар материал хүлээн авна.

    2. 2022 оны 06 дугаар сарын 21-ний өдөр урьдчилсан шалгаруулалт хийж, урьдчилсан шалгуурт тэнцсэн нэр дэвшигчдийг 2022 оны 07 дугаар сард болох Хувьцаа эзэмшигчдийн ээлжит бус хуралд танилцуулж, шийдвэрлүүлнэ.

    3. Хаяг: Улаанбаатар хот, Сүхбаатар дүүрэг, 2-р хороо, Сөүлийн гудамж, Твин Тауэр-1, 13 давхар;

    4. Холбогдох Утас: 77090077, 88103947

    Бусад мэдээ

    • Ерөнхий мэдээ мэдээлэл • 2017.04.21

      Банк бус санхүүгийн байгууллага жилийн 8 хувийн хүүтэй ипотекийн зээл олгож эхэллээ.

    • Ерөнхий мэдээ мэдээлэл • 2017/01/21

      Шинэ салбар нээлээ

    • Ерөнхий мэдээ мэдээлэл • 2017/05/25

      Ид шидийн оронд хандив өргөлөө.

    • Ерөнхий мэдээ мэдээлэл • 2018/01/11

      Авто худалдааны цогцолборт шинэ салбар нээлээ.

    • Ерөнхий мэдээ мэдээлэл • 2017/07/07

      Шинэ салбар нээлээ.